Superliga e Kosovës: Ballkani zbulon 11-shen titullare përballë Feronikelit ’74

Janë bërë publike formacionet zyrtare për sfidën mes Feronikelit ’74 dhe Ballkanit, e cila i takon javës së 13-të në Albi Mall Superligën e Kosovës. Skuadra nga Drenasi do të presë ekipin nga Suhareka në stadiumin “Rexhep Rexhepi”, me sfidën që është planifikuar të nisë nga ora 13:00. Formacioni i drejtuar nga Elon Berisha synon të ruajë ecurinë pozitive para shikuesve të vet, pasi në ndeshjet e fundit regjistron një triumf ndaj Dukagjinit dhe një barazim kundër Malishevës. Në krahun tjetër, skuadra e udhëhequr nga Sami Sermaxhaj vjen në këtë takim pas dy fitoreve radhazi, me synimin e qartë për të vazhduar serinë e rezultateve pozitive dhe për të përmirësuar pozitat në renditjen tabelore. Për Ballkanin nga minuta e parë do të luajnë: Selmani; Diene, Jashanica, Batarelo, Dosso; Sabanhadzovic, Domgjoni; Klinaku, Giovanni, Hamidi; Berisha.