Tragjedi në kryeqytet: Gjendet i pajetë një shtetas austriak në një banesë në Prishtinë

Një ngjarje e rëndë është regjistruar në Prishtinë, ku një shtetas nga Austria është gjetur pa shenja jete brenda një banese në rrugën “Isa Boletini”. Me të marrë informacionin, në vendngjarje kanë dalë menjëhirë organet e rendit si dhe ekipi i ndihmës së shpejtë mjekësore. Mjekët kujdestarë pasi kanë kryer verifikimet e nevojshme kanë konstatuar zyrtarisht vdekjen e viktimës. Në lidhje me këtë rast, me vendim të prokurorit të shtetit kanë nisur hetimet nën kualifikimin “Hetim i vdekjes”. Ndërkaq, trupi i pajetë është transportuar drejt Institutit të Mjekësisë Ligjore (IML) ku do t'iu nënshtrohet ekspertizës së obduksionit për të zbardhur shkaqet e plota të ngjarjes.