Talenti i Ajaxit thur elozhe për katalanasit: Barcelona mbetet skuadra më e madhe në glob

Mbrojtësi holandez Youri Baas ka shprehur hapur emocionet e tij rreth thashethemeve që e lidhin me një kalim të mundshëm te Barcelona, duke e vlerësuar skuadrën nga 'Camp Nou' si klubin kryesor në planet. Futbollisti 23-vjeçar, i cili luan si qendërmbrojtës për Ajaxin, gjendet në radhët e lojtarëve që drejtori sportiv Deco po i mban nën vëzhgim për të shtuar sigurinë në prapavijën e trajnerit Hansi Flick, teksa synohet një lëvizje e mundshme gjatë merkatos së dimrit. Në prononcimin e tij pas angazhimit evropian kundër Midtjyllandit, Baas iu përgjigj interesimit mediatik rreth pistës që e afron me fanellën blaugrana, duke mos fshirë aspak vlerësimin e lartë për gjigantin spanjoll. “Besoj se është klubi më i madh në botë. Është një kompliment i jashtëzakonshëm”, u shpreh ndër të tjera futbollisti nga Holanda. Vlen të theksohet se Baas luan edhe si mbrojtës i majtë, një tipar ky që i përshtatet në mënyrë të përkryer strategjisë së drejtuesve katalanas për të gjetur profilin e duhur për frenimin e fazës defensive.