Barcelona vihet në lëvizje: Sytë nga 'ylli' i ri i Serie A për të përforcuar repartin ofensiv

Ndonëse Julian Alvarez vazhdon të mbetet prioriteti kryesor për vijën e sulmit, drejtuesit e Barcelonës po eksplorojnë me kujdes tregun për opsione të tjera që mund të garantojnë cilësi në sezonin e ardhshëm. Në listën e dëshirave të katalanasve së fundmi është shtuar emri i Gustavo Varelës. Sulmuesi 21-vjeçar po shfaqet si një nga zbulimet më të mëdha në Serie A, falë paraqitjeve të tij mbresëlënëse me fanellën e Monzas. Statistikat e portugezit janë vërtet mbresëlënëse, me 9 gola të shënuar në po aq ndeshje të zhvilluara deri më tani. Forma e tij e lartë pritet ta dërgojë atë shumë shpejt drejt thirrjes së parë me kombëtaren e madhe të Portugalisë. Ky start spektakolar ka bërë që Varela të kthehet në një nga objektivat më të ndjekur nga klubet elitare të Evropës, ku Barcelona është futur zyrtarisht në garë për të siguruar shërbimet e tij. Ndërkohë, Monza ka vendosur një çmim të qartë për talentin e saj, duke kërkuar 50 milionë euro për ta lënë të lirë. Kujtojmë se klubi italian e bleu 21-vjeçarin verën e kaluar nga Benfica për vetëm 2.5 milionë euro, ndërsa klubi portugez ka ruajtur 20% të të drejtave mbi shitjen e tij të ardhshme.