Mbi 6,500 banorë të Prishtinës të vaksinuar kundër gripit sezonal

Procesi i imunizimit kundër gripit sezonal në kryeqytet po vijon me ritme të larta, ku deri më tani mbi 6,500 qytetarë kanë marrë dozat e tyre nëpër qendrat e mjekësisë familjare në Prishtinë. Në kuadër të monitorimit të kësaj fushate, kryetari i Prishtinës, Përparim Rama, i shoqëruar nga drejtori i Shëndetësisë, Bujar Gashi, ka zhvilluar sot një vizitë në Qendrën Kryesore të Mjekësisë Familjare (QKMF). Gjatë kësaj vizite, ata janë njohur për së afërmi me mbarëvajtjen e procesit të vaksinimit. Me këtë rast, udhëheqësit komunalë kanë shprehur mirënjohjen e tyre për stafin mjekësor, duke vlerësuar lart angazhimin dhe përkushtimin e vazhdueshëm të mjekëve dhe infermierëve në shërbim të shëndetit të qytetarëve.