Valë protestash në kryeqytet: Aktivistët paralajmërojnë bllokim total të rrugëve të shtunën

Përfaqësues të shoqërisë civile kanë njoftuar organizimin e një proteste mbarëkombëtare këtë të shtunë në Prishtinë, si reagim ndaj vrasjeve të grave. Sipas paralajmërimeve, kjo protestë pritet të shkaktojë paralizimin e qarkullimit rrugor në të gjitha akset kryesore të kryeqytetit. Ndërkohë, aktivitetet protestuese kanë nisur që sot, megjithëse me një shtrirje më të kufizuar. Në shenjë pakënaqësie, protestuesit kanë bllokuar për një orë rrugën “Luan Haradinaj”. Gjatë zhvillimit të këtij aksioni, organizatorët kanë shpalosur një baner me mesazhin kërcënues për përgjegjësit: “Gjumi s’ka me ju marrë, flaka ka me ju dalë”.