Manchester United merr 'jo'-në e prerë nga Didier Deschamps

Manchester Unitedi ka ndërmarrë hapa konkretë për të siguruar shërbimet e Didier Deschamps, duke e kontaktuar atë për postin e trajnerit të përhershëm të skuadrës. Megjithatë, planet e gjigantit anglez kanë hasur në refuzimin e përzgjedhësit aktual të Francës. Sipas informacioneve të bëra të ditura nga gazetari Santi J. FM, Deschamps nuk e konsideron këtë lëvizje në rrethanat aktuale. Strategu francez mbetet skeptik përballë situatës së tensionuar brenda klubit nga “Old Trafford”, ku marrëdhëniet mes drejtuesve dhe tifozëve nuk janë në nivelin e duhur. Një tjetër faktor që ka ndikuar në vendimin e tij janë kritikat e shumta drejtuar klubit për menaxhimin e dobët gjatë afateve kalimtare të transferimeve. Si pasojë, pavarësisht interesimit të shprehur nga “Djajtë e Kuq”, Deschamps ka zgjedhur të distancohet, duke mos parë ndonjë perspektivë të favorshme për të marrë drejtimin e skuadrës.