Erand Sojli rrëfen historinë: Babëgjyshi themeloi “Tiranën”, gjyshi bashkëthemeloi “Partizanin”

Aktori Erand Sojli ka ndarë detaje nga historia e familjes së tij, duke rrëfyer për origjinën, vendosjen në Tiranë dhe kontributin e paraardhësve të tij në futbollin shqiptar. I ftuar në emisionin “Ora e Betit” në Ora News, Sojli tregoi se një prej të afërmve të tij ishte vendosur në Strugë, ku në atë kohë kandidonte edhe për kryetar bashkie. Për shkak të rrethanave politike dhe ndikimeve të periudhës së Perandorisë Osmane, familja u detyrua të përshtatej me kushtet e kohës, duke ndryshuar edhe emrin dhe identitetin fetar. Më tej, ai tregoi se pas përfundimit të zgjedhjeve familja u rikthye në identitetin e mëparshëm dhe më pas u vendos në Tiranë. Sojli zbuloi gjithashtu një lidhje të veçantë të familjes së tij me historinë e futbollit shqiptar. Sipas tij, babëgjyshi i tij ishte ndër themeluesit e klubit të futbollit “Tirana”, në vitin 1920, së bashku me Selman Stërmasin. Ndërsa gjyshi i tij ishte një prej bashkëthemeluesve të klubit “Partizani”, duke qenë edhe ndër kampionët e parë. Në rrëfimin e tij, aktori foli edhe për periudhën e vështirë që kishte kaluar gjyshi, i cili kishte qëndruar i arratisur për 25 vite dhe më pas kishte vuajtur rreth 27 vite burg, 13 prej të cilave në Jugosllav