Betejë mes gjashtë gjigantëve evropianë për yllin e La Ligës

Mesfushori spanjoll, Alex Baena, është shndërruar në një ndër lojtarët më të lakmuar në tregun e transferimeve në kontinentin e vjetër, duke tërhequr vëmendjen e klubeve elitare. Arsenal, Bayern Munich, Newcastle United, Tottenham Hotspur, Manchester City dhe Aston Villa janë skuadrat që po monitorojnë me kujdes situatën e tij, ndërsa ai po shfaq një formë të shkëlqyer me fanellën e Atletico Madrid. Megjithatë, drejtuesit e klubit madrilen nuk kanë ndërmend të bëjnë lëshime të lehta për mesfushorin, për të cilin kërkojnë plot 80 milionë euro. Këtë edicion, Baena ka regjistruar pesë gola dhe katër asistime në 14 paraqitje zyrtare. Duke pasur parasysh se kontrata e tij skadon në vitin 2030, një largim i mundshëm gjatë afatit kalimtar të janarit duket tejet i vështirë, përveç rastit kur ndonjë prej skuadrave të interesuara paraqet një ofertë astronomike.