Bashkëpunimi dhe Dhomat e Specializuara në fokus të takimit mes ambasadorit Hargreaves dhe ministrit Konjufca

Ambasadori i Britanisë së Madhe në Kosovë, Jonathan Hargreaves, ka zhvilluar një takim zyrtar me ministrin e Punëve të Jashtme dhe Diasporës, Glauk Konjufca, ku është biseduar për zhvillimet aktuale dhe sfidat rajonale. Përmes një njoftimi në rrjetin social Facebook, diplomati britanik ka bërë të ditur se nën lupë të bisedimeve kanë qenë aleanca strategjike ndërmjet dy shteteve, si dhe temat e sigurisë dhe stabilitetit që preokupojnë Kosovën dhe rajonin në përgjithësi. Në mesin e çështjeve kyçe të trajtuara gjatë këtij takimi ishte edhe funksionimi i Grupit Punues për Strategjinë Shtetërore, i cili ndërlidhet ngushtë me procesin e ankesave pranë Dhomave të Specializuara të Kosovës. Gjatë bisedës, kreu i misionit diplomativ britanik ka vënë theksin te domosdoshmëria e këtij mekanizmi, duke cilësuar se ai shërben si garanci që institucionet e Kosovës të dëshmojnë përkushtim të palëkundur ndaj detyrimeve ndërkombëtare dhe forcimit të sundimit të ligjit.