Mauricio Pochettino publikon listën e SHBA-së, në fokus talenti shqiptar Adri Mehmeti

Përfaqësuesja e Shteteve të Bashkuara të Amerikës ka bërë publike listën zyrtare të lojtarëve për angazhimet ndërkombëtare të muajit nëntor. Strategu argjentinas në krye të pankinës amerikane, Mauricio Pochettino, ka përzgjedhur 25 futbollistë për sfidat e radhës. Një nga lajmet më të rëndësishme në këtë listë është përfshirja e futbollistit me origjinë shqiptare, Adri Mehmeti. Mehmeti do të jetë në dispozicion të ekipit kombëtar për dy ndeshjet e ardhshme të SHBA-së, ku do të përballet me Haitin në datat 14 dhe 18 nëntor.