Gjest madhështor nga Harry Kane: Trofeun prestigjioz do ta dorëzoj në muzeun e Bayernit

Sulmuesi i njohur anglez, Harry Kane, vazhdon të dëshmojë përkushtimin e tij ndaj klubit gjerman, jo vetëm përmes golave vendimtarë në fushën e blertë, por edhe me gjeste që vlerësojnë historinë dhe tifozët e skuadrës. Gjatë një prononcimi për median e njohur “Sport Bild”, “bomberi” i bavarezëve ka bërë të theksuar dëshirën e tij për t'i dhuruar klubit një çmim personal të fituar së fundmi në Londër, në mënyrë që ai të jetë i aksesueshëm për të gjithë admiruesit e ekipit. “Do të diskutoj me drejtuesit e klubit për të gjetur vendndodhjen e përshtatshme, ku ky çmim të mund të ekspozohet në ‘Bayern Museum’”, ka deklaruar Kane. Ai ka shtuar gjithashtu: “Unë mendoj se ky trofe i takon atij vendi, sepse të gjithë tifozët meritojnë ta shohin nga afër”.