Rekord historik për Manuel Neuer: Portieri gjerman ngjitet në majën e Champions League

Mbrëmja në “Estadio Metropolitano” ka rezultuar e jashtëzakonshme për Manuel Neuer, pasi skuadra e tij, Bayern-i, është rikthyer te fitorja në Ligën e Kampionëve, pas barazimeve të regjistruara më parë ndaj Viking dhe Arsenal. Ky duel ka mbajtur një peshë të veçantë për portierin veteran, i cili ka regjistruar paraqitjen e tij numër 164 në këtë kompeticion elitar, duke u shndërruar zyrtarisht në lojtarin gjerman me numrin më të madh të ndeshjeve në arenën evropiane për klube. Me këtë arritje, 40-vjeçari lë pas me nga një ndeshje emra të shquar si Thomas Muller dhe Lionel Messi, të cilët e kanë mbyllur karrierën e lor në Champions me 163 takime. Për sa i përket statistikave globale, vetëm Cristiano Ronaldo me 183 dhe Iker Casillas me 177 ndeshje pozicionohen mbi portierin gjerman. Triumfi i arritur në “Estadio Metropolitano” ka një domethënie të dyfishtë për bavarezët, duke pasur parasysh se ky stadium do të presë finalen e madhe të Ligës së Kampionëve më 5 qershor 2027 dhe ambicia e klubit është të rikthehet pikërisht aty. "Besoj se do të donim të ktheheshim sërish këtu", u shpreh Neuer në prononcimin e tij pas përfundimit të ndeshjes.