Kampionati Botëror i Peshëngritjes: Enkileda Carja shkëlqen në Kinë dhe siguron vendin e 20-të në rang global

Përfaqësuesja e Shqipërisë ka regjistruar një tjetër paraqitje në Kampionatin Botëror të peshëngritjes për të rritur, i cili po zhvillohet në Kinë. Në garën e kategorisë së peshës 69 kilogramë, në pedanë është ngjitur shtangistja e talentuar kuqezi, Enkileda Carja. Sportistja shqiptare mori pjesë fillimisht në Baterinë C, ndërsa pas mbylljes së të gjitha grupeve, ajo u pozicionua në vendin e 20-të në renditjen e përgjithshme të dygarëshit. Në disiplinën e shkëputjes, Carja pati një paraqitje të shkëlqyer duke treguar saktësi maksimale dhe duke realizuar me sukses të tria provat e saj. Ajo e nisi me 98 kilogramë, për të vijuar më pas me 100 dhe 102 kilogramë, shifra këto që i dhanë vendin e 19-të në këtë stil. Ndryshe ecën gjërat në stilin e shtytjes, ku shtangistja e re pati disa vështirësi në fillim. Pasi dështoi dy herë në përpjekjet e saj për të ngritur peshën 120 kilogramë, ajo tregoi karakter në provën e fundit duke ngritur me sukses 121 kilogramë, rezultat që e renditi në vendin e 28-të. Me një total prej 223 kilogramësh në dygarësh, Enkileda Carja u konfirmua në vendin e 20-të mes 48 konkurrenteve nga e gjithë bota, duke përmbyllur një paraqitje të vlerësuar pozitivisht dhe duke dëshmuar formë të mirë fizike e sportive.