Mbishkrimi “ANTIFA” lulëzon në parkun Taukbahçe të kryeqytetit, reagon analisti Artan Nimani

Një simbol i ri ideologjik ka tërhequr vëmendjen në hapësirat publike të Prishtinës, ku mbi një tabelë informuese në parkun e njohur të Taukbahçes është shfaqur një grafit me mbishkrimin “ANTIFA”. Analisti Artan Nimani ka ndarë me ndjekësit pamjen e këtij grafiti, që simbolizon lëvizjen antifashiste dhe qëndresën ndaj racizmit, fashizmit dhe çdo formë të ekstremizmit. Kjo shfaqje e re në kryeqytet ka ngritur pikëpyetje rreth qëllimit të vendosjes së tij. Për momentin, nuk ekzistojnë ende informacione zyrtare apo të konfirmuara nëse ky mesazh është vepër e një nisme personale apo qëndron pas tij ndonjë organizim i mirëfilltë grupi.