Gjashtë vite mungesë dhe mall: Djali i Jakup Krasniqitit publikon dedikimin prekës për të atin

Altin Krasniqi, i biri i ish-kryeparlamentarit të Kosovës, Jakup Krasniqi, ka përcjellë një mesazh tejet emocional në rrjetet sociale, ndërkohë që bëhen gjashtë vite prej kur familja është ndarë nga ai. Nëpërmjet një shkrimi të publikuar në Facebook, Altini ka reflektuar mbi ndjenjat e mallit dhe boshllëkut që ka lënë mungesa e të atit, i cili gjendet në qendrën e paraburgimit në Hagë prej muajit nëntor të vitit 2020. Kjo thirrje emocionale vjen në një moment sfidues për familjen Krasniqi, pas vendimit të datës 16 shtator 2026, ku Gjykata Speciale e shkallës së parë e shpalli fajtor Jakup Krasniqin, duke e dënuar me 25 vite heqje lirie për pretendimet rreth krimeve të luftës, një vendim ky që nuk është i formës së prerë dhe mbetet subjekt i ankimimit. Në rrëfimin e tij, djali i ish-kryetarit të Kuvendit vë inatin dhe dhimbjen për vitet e kaluara larg vatrës familjare, bashkëshortes dhe më të dashurve, duke nënvizuar se periudha e humbur nuk mund të zhbëhet kurrë. “Gjashtë vjet pritje, mall, dhimbje e lutje. Gjashtë vjet që na kanë mësuar sa shumë mund të durojë një familje kur zemrën e ka larg. E megjithatë, ne ende të presim. Ende shpresojmë”, ka shkruar ndër të tjera ai. Në vijim të shkrimit, Altini thekson se familja mbetet e palëkundur në shpresën e tyre për ditën kur Jakup Krasniqi do t'i rikthehet shtëpisë dhe gjirit familjar.