Gjykimi për krime lufte në Malishevë: Ramadan Morina del para drejtësisë në Prishtinë

Në Gjykatën Themelore në Prishtinë ka dalë para trupit gjykues Ramadan Morina, i cili po përballet me akuza të rënda për krime lufte kundër popullatës civile, të kryera gjatë konfliktit të vitit 1999 në Kosovë. Sipas dokumentit të prokurorisë, më 31 mars 1999, në fshatin Burim të Malishevës, i pandehuri në bashkëpunim me pjesëtarë të forcave policore dhe ushtarake serbe dyshohet se është përfshirë në vrasjen e 34 civilëve shqiptarë. Veç akuzave për vrasje, aktakuza ngarkon Morinën edhe për shkatërrim të pronave, dëbim me dhunë të banorëve civilë, si dhe për grabitjen e pasurive të rreth 1 mijë qytetarëve që nuk ishin pjesë e luftimeve.