Gjyqi për krime lufte: I pandehuri Ramadan Morina vëzhgon me vëmendje dëshmitaren në sallë

Në seancën gjyqësore ndaj Ramadan Morinës, i cili akuzohet për krime lufte kundër popullsisë civile në Kosovë, është vënë re një situatë e tensionuar teksa i pandehuri nuk i ka ndarë sytë nga dëshmitarja që sapo ka hyrë në sallën e gjyqit. Morina përballet me akuzat e rënda se, në bashkëpunim me njësitet ushtarake dhe policore serbe, ka marrë pjesë në ekzekutimin e 34 civilëve shqiptarë. Ngjarja tragjike kishte ndodhur më 31 mars 1999 në lokacionin e njohur si “Vrella e Mihillit”, në fshatin Burim të Malishevës. Përveç akuzave për vrasje, dosja e prokurorisë ngarkon të pandehurin edhe për spastrim etnik përmes dëbimit masiv, ushtrim të dhunës fizike e psikologjike, ndalime arbitrare, si dhe për shkatërrimin dhe grabitjen e pronave të rreth një mijë civilëve. Ramadan Morina u prangos nga autoritetet në muajin gusht të vitit 2025 dhe prej asaj kohe mbahet në masën e paraburgimit.