Skenderaj: Gruaja bie pre e dhunës fizike, policia ndalon të dyshuarin

Një ngjarje e rëndë e dhunës në familje është regjistruar në qytetin e Skenderajt, ku një grua dyshohet se është kanosur dhe sulmuar fizikisht nga një person. Sipas të dhënave zyrtare nga Policia e Kosovës, incidenti ka ndodhur mbrëmjen e datës 2 nëntor, rreth orës 20:40. Si pasojë e goditjeve, viktima ka pësuar lëndime trupore dhe i është nënshtruar menjëherë trajtimit mjekësor. Ndërkohë, uniformat blu kanë arritur të shoqërojnë në stacionin policor burrin e dyshuar si autor të këtij sulmi. Pas përfundimit të procedurave hetimore dhe me urdhër të prokurorit kujdestar, i dyshuari është lënë i lirë, ndërsa lënda do të ndiqet më tej përmes procedurës së rregullt ligjore.