Sfidat e sigurisë kibernetike: Institucionet shtetërore kërkojnë injektim fondesh në buxhetin e ri

Vala e vazhdueshme e sulmeve kibernetike në drejtim të instancave shtetërore ka nxjerrë në pah domosdoshmërinë urgjente për ndërmarrjen e masave shtesë mbrojtëse dhe sigurimin e infrastrukturës digjitale. Këtë shqetësim e ka ngritur gjatë dëgkesave buxhetore edhe Prokuroria e Përgjithshme, përmes zëvendësprokurorit Arqile Koça. Për vitin e ardhshëm fiskal, Prokurorisë së Përgjithshme i është parashikuar një buxhet prej 3.49 miliardë lekësh, ndërkohë që drejtuesit e saj kanë theksuar domosdoshmërinë e fondeve shtesë për investime në disa prokurori të rretheve të vendit. Nevoja për të forcuar mbrojtjen kibernetike dhe për të garantuar standarde më të larta të sigurisë u është paraqitur gjithashtu ligjvënësve të Komisionit të Ligjeve nga ana e kryetares së Autoritetit për të Drejtën e Informimit mbi Dokumentet e Ish-Sigurimit të Shtetit, Gentiana Sula. Për periudhën e ardhshme buxhetore, këtij institucioni i janë alokuar 138.9 milionë lekë, por drejtuesit e tij kanë kërkuar një fond shtesë prej afërsisht 50 milionë lekësh, i cili do të shërbejë për të çuar përpara procesin e dixhitalizimit të arkivave.