A mund të veshë Ernest Muçi fanellën e Turqisë? Deklarata e bujshme e gazetarit trazoj ujërat

Një hipotezë e hedhur në opinionin publik nga gazetari i njohur turk, Cem Dizdar, ka mjaftuar që mediat vendase të aludojnë për një kalim të mundshëm të Ernest Muçit te Kombëtare e Turqisë. Në fakt, ky skenar ishte më shumë një thumbim i hapur ndaj trajnerit të kombëtares turke, Sergen Jalçin, duke marrë shkas nga forma e shkëlqyer që sulmuesi kuqezi po kalon në fushën e lojës. “Muçi është lojtari më i spikatur dhe më vendimtar në dy ndeshjet e fundit. Ai po zhbllokon sfidat dhe po i jep zgjidhje lojës. Po sikur Muçi të kishte pasaportën turke dhe të plotësonte kushtet e natyralizimit, a do ta grumbullonte Sergen Jalçin në kombëtare?”, u shpreh Dizdar gjatë diskutimit të tij. Këto fjalë nxitën menjëherë një valë shkrimesh sensacionale në shtypin turk, veçanërisht në “Taka Gazetesi”. Megjithatë, ky skenar mbetet thjesht në kuadrin e hipotezës, pasi Muçi nuk mund të ndryshojë përfaqësuese, pavarësisht pajisjes së mundshme me pasaportë turke. Reagimet e gazetarit vijnë në një kohë kur trajneri Jalçin ka qenë më herët një kritik i hapur i Muçit gjatë periudhës kur ata ishin bashkë te Beshiktashi. Kujtojmë se tifozët e këtij të fundit e mbajnë përgjegjës Jalçın për largimin e yllit shqiptar, i cili tashmë prej një viti po shkëlqen me fanellën e Trabzonsporit.