Në prag të historisë: Xhudistja Arba Hasanaj synon medaljen në Lojërat Olimpike “Dakar 2026”

Sportistja e talentuar e xhudos, Arba Hasanaj, po ecën me hapa të sigurt drejt podiumit të Lojërave Olimpike për të Rinj që do të mbahen në Dakar 2026, duke qenë vetëm një fitore larg zonës së medaljeve. Gjatë rrugëtimit të saj në këtë aktivitet prestigjioz, xhudistja kuqezi ka regjistruar dy fitore të rëndësishme. Pavarësisht pengesës dhe humbjes në fazën çerekfinale, ajo ka treguar forcë karakteri duke siguruar një vend në garën e repesazhit për medaljen e bronztë. Me paraqitje fantastike në tapet, Hasanaj ka kaluar me sukses sfidën e parë dhe të dytë të repesazhit, duke arritur kështu në duel direkt për të rrëmbyer medaljen e bronztë në Lojërat Olimpike për të Rinj Dakar 2026.