Maqedonia e Veriut publikon listën e futbollistëve: Gjashtë shqiptarë ftohen për sfidat e nëntorit

Strategu i Kombëtares së Maqedonisë së Veriut në futboll, Goce Sedlloski, ka zyrtarizuar listën e lojtarëve të ftuar për dy sfidat e fundit të këtij edicioni në Ligën e Kombeve, ku skuadra do të matë forcat me Skocinë dhe Slloveninë. Kalendari parashikon që më 13 nëntor Maqedonia e Veriut të udhëtojë si mysafire e Skocisë, ndërsa tri ditë më vonë do të mbyllë fazën e grupeve në shtëpi me duelin kundër Sllovenisë. Vlen të theksohet se, pas debutimit këtë sezon në Ligën B, përfaqësuesja maqedonase do të zbritë sërish në Ligën C për ciklin e ardhshëm të garave. Në listën e përzgjedhur nga Sedlloski bie në sy mungesa e sulmuesit Bojan Miovski, vendin e të cilit e ka zënë Marko Gjorgievski. Lista e futbollistëve të ftuar Portierë: Stole Dimitrievski (Valencia, Spanjë), Damjan Shishkovski (Borci nga Banjalluka, Bosnjë-Hercegovinë), Davor Taleski (Vardari). Mbrojtës: Nikola Serafimov (Levski, Bullgari), Anes Meliçi (Shkëndija), Visar Musliu (Sint-Truiden, Belgjikë), Mario Mlladenovski (Varazhdini, Kroaci), Bojan Ilievski (Tirana, Shqipëri), Stefan Despotovski (OFK Beograd, Serbi), Sebastian Herrera (Borci nga Banjalluka, Bosnjë-Hercegovinë), Ezgjan Alioski (Lugano, Zvicër), Imran Fetai (Dinamo Bukuresht, Rumani). Mesfushorë: Jani Atanasov (Aktobe, Kazakistan), Agon Elezi (Sarajevë, Bosnjë-Hercegovinë), Boban Nikolov (Vardar), Luka Stankovski (Kolos Kovalivka, Ukrainë), Elif Elmas (Atalanta, Itali), Enis Bardhi (Konyaspor, Turqi), Matej Gashtarov (Crvena Zvezda, Serbi), Ljupçe Doriev (Sogdiana, Uzbekistan), Darko Çurlinov (Pogon Szczecin, Poloni), Dimitar Mitrovski (Olimpija Ljubljana, Slloveni). Sulmues: Elmin Rastoder (Panathinaikos, Greqi), Marko Gjorgievski (Shkëndija), Azer Omeragiq (Vardar), Hristijan Maleski (Struga Trim Lum).