“Harxhoni kohë kot me teatër politik”, Përparim Rama i kundërpërgjigjet ashpër Lëvizjes Vetëvendosje

Kryetari i Prishtinës, Përparim Rama, ka reaguar ashpër ndaj këshilltarëve të Lëvizjes Vetëvendosje në Kryeqytet, pas vendimit të tyre për të dorëzuar dokumente në Prokurorinë Speciale gjatë ditës së sotme. Nëpërmjet një postimi në rrjetet sociale, i pari i Prishtinës e ka cilësuar këtë hap të opozitës si një shfaqje me prapavijë politike, duke ngritur dyshime të forta mbi angazhimin dhe produktivitetin e tyre real brenda Asamblenë Komunale. Sipas Ramës, qytetarët që kanë votuar këtë subjekt politik duhet të kërkojnë llogari se a kanë sjellë ndonjë nismë apo projekt konkret që i shërben përmirësimit të jetës së banorëve të Prishtinës. “Apo keni hi n’asamble me e lujt hetuesin, prokurorin, gjyqtarin, policin, zëdhënësin? Punoni, more, najsen”, ka shkruar ndër të tjera kryetari Rama.