Nominohet përgjithmonë në Big Brother, paneli zbulon arsyet pse Anjeza u tërhoq brenda shtëpisë

Për banoren e shtëpisë më të famshme në vend, Big Brother VIP Kosova 5, Anjeza Gubetini, rrugëtimi është vështirësuar ndjeshëm. Ajo do të përballet tani e tutje me nominim të përjetshëm, pasi rezultoi si banorja me më pak vota nga publiku gjatë televotimit të zhvilluar të premten e javës së kaluar. Vetë konkurrentja pranoi se ky vendim i audiencës ka qenë plotësisht i papritur për të, duke lënë të kuptohet se nuk e parashikonte një epilog të tillë. Zhvillimet rreth kësaj situate kanë qenë në qendër të vëmendjes edhe në studion e emisionit “Ora 7”. Gjatë diskutimit, grimerja Blerdina Zhitia u shpreh se ky rezultat nuk përbën ndonjë befasi për të, duke theksuar se Anjeza është përballur me valë negativiteti nga shikuesit edhe para hyrjes në shtëpi, ndërsa shtoi se konkurrentja tjetër, Zoja, gëzon një mbështetje më të madhe. Në krahun tjetër, gazetari Agon Rexhepi ka paraqitur një këndvështrim tjetër. Duke pohuar se e njeh Anjezën nga jeta e përditshme jashtë mureve të shtëpisë, ai u shpreh se ajo është një personazh shumë më energjik dhe i gjallë krahasuar me profilin që po shfaq aktualisht brenda lojës. Ndërkaq, gazetaret Blerina Shoshi dhe Klea Kabashi kanë ngritur hipoteza se ky ngërç dhe kjo distancë e Anjezës mund të jetë ose një lëvizje e mirëmenduar strategjike, ose një pasojë e presionit të jashtëm që ajo po përjeton, ku nuk përjashtohet mundësia e ndikimit nga partneri i josaj.