Ndryshime në strukturat e Policisë së Kosovës: Kolonel Agron Rukiqi merr drejtimin e Burimeve Njerëzore

Kolonel Agron Rukiqi, i cili vjen nga komuna e Drenasit, është caktuar zyrtarisht në krye të Departamentit të Burimeve Njerëzore pranë Drejtorisë së Përgjithshme të Policisë së Kosovës. Sipas burimeve brenda institucionit të sigurisë, në këtë funksion të ri Rukiqi do të ketë nën përgjegjësi udhëheqjen dhe menaxhimin e këtij departamenti tejet me rëndësi, i cili merret drejtpërdrejt me administrimin dhe zhvillimin e kapaciteteve të personelit policor. Kjo detyrë e re përfaqëson një arritje të rëndësishme dhe një hap përpara në karrierën e tij të pasur profesionale brenda radhëve të Policisë së Kosovës.