Vjosa Osmani në Universitetin e Oxfordit: Kosova kërkon trajtim të barabartë në skenën globale

Ish-presidentja e Kosovës, Vjosa Osmani, ka marrë pjesë në një tryezë diskutimi të organizuar nga Shoqata Diplomatike dhe ajo për Marrëdhënie Ndërkombëtare e Oxfordit, ngjarje kjo ku u trajtuan pesha e demokracisë dhe sfidat aktuale të arkitekturës botërore. Përmes një adresimi në rrjetet sociale, Osmani bëri të ditur se në këtë bashkëbisedim ka vënë in primis theksin te mbrojtja e vlerave të lirisë, drejtësisë dhe integritetit njerëzor, duke kërkuar që këto parime të zbatohen në mënyrë të barabartë për çdo shtet, pa standarde të dyfishta apo dallime të padrejta. Ajo shtoi se qytetarët e Kosovës e kuptojnë thellësisht vlerën dhe çmimin e lirisë, ndaj ka përsëritur qëndrimin se sovraniteti, të drejtat dhe dinjiteti i një kombi nuk duhet të kushtëzohen kurrë nga përmasat gjeografike apo fuqia e tij. Në të njëjtën linjë, Osmani shprehu bindjen se prezenca e Kosovës në arenën ndërkombëtare dhe përfshirja aktive në diskutimet globale janë jetike për të adresuar sfidat me të cilat po ballafaqohet bota demokratike sot.