Tragjedia në Gjilan: Detaje të reja nga ngjarja e rëndë ku mbetën të vdekur i riu dhe foshnja e tij

Një ngjarje e rëndë ka tronditur fshatin Demiraj të Gjilanit më 1 nëntor, ku dy persona, një 27-vjeçar dhe foshnja e tij rreth tre muajshe, u gjetën pa shenja jete brenda shtëpisë së tyre. Lidhur me këtë ngjarje tragjike, autoritetet e rendit kanë arrestuar 65-vjeçarin, babain e viktimës së ri, i cili po mbahet si i dyshuar kryesor për përfshirje në këtë vrasje të rëndë. Sipas informacioneve të siguruara, dyshimet e para sugjerojnë se 27-vjeçari fillimisht i ka dhënë fund jetës së foshnjës, kurse më pas babai i tij dyshohet se ka ndërhyrë duke e privuar nga jeta të birin. Ndaj të dyshuarit është caktuar masa e ndalimit prej 48 orësh, ndërkohë që organet e drejtësisë vijojnë hetimet intensive për të zbardhur plotësisht rrethanat dhe motivet e kësaj tragjedie.