Prapaskenat e vitit 1989: Si u tentua t’i merrej autonomia Kosovës përmes ndryshimeve kushtetuese

Avokati dhe ish-kryetari i Kuvendit të Kosovës, Ilaz Ramajli, ka sjellë në vëmendje sfidat dhe ngjarjet prapa skenave lidhur me kundërshtimin e ndryshimeve kushtetuese të vitit 1989, të cilat rezultuan me suprimimin e autonomisë së Kosovës. I ftuar në podcastin PIKË në një bashkëbisedim me publicistin e njohur Veton Surroi, Ramajli ka ndarë detaje nga kjo periudhë kritike, duke vënë theksin te organizimi i tubimeve publike dhe qëndresa e atëhershme kundër zhvillimeve që e kthenin vendin nënnë varësi direkte të Serbisë.