Formë e shkëlqyer për Comon e Fabregas: Tri pikë të arta ndaj Venezias dhe ngjitje drejt elitës europiane

Forma fantastike e Comos në Serie A nuk po njeh të ndalur, teksa skuadra e drejtuar nga trajneri Cesc Fabregas ka regjistruar suksesin e radhës, duke siguruar fitoren e katërt radhazi dhe duke u futur zyrtarisht në zonën e madhe të Ligës së Kampionëve. Në sfidën e zhvilluar në stadiumin “Sinigaglia”, vendasit triumfuan me rezultatin minimal 1:0 ndaj Venezias. Gosti vendimtar i këtij takimi u shënua në minutën e 43-të nga pika e bardhë e 11-metërshit prej mesfushorit francez Da Cunha, i cili me këtë rast realizoi rrjetën e tij të parë për këtë edicion dhe i dhuroi skuadrës së tij një fitore me peshë specifike. Ndeshja u karakterizua nga një dominim i qartë i Comos, që ndërtoi disa mundësi të rrezikshme shënimi, ndërkohë që Venezia u detyrua të mbrohej gjatë pjesës më të madhe të kohës për të ruajtur rezultatin. Për skuadrën e Venezias, sulmuesi shqiptar Albion Rrahmani u hodh në fushë në 12 minutat e fundit të sfidës, por prania e tij nuk mjaftoi për të ndryshuar fatin e ndeshjes dhe për i shmangur humbjen skuadrës miqësore. Pas këtij rezultati, Como ngjitet në kuotën e 23 pikëve duke mbajtur vendin e katërt në tabelën e klasifikimit, ndërsa Venezia vazhdon të mbetet në fund të renditjes, në pozicionin e 20-të, me vetëm 3 pikë të grumbulluara deri më tani.