Prani e rrezikshme e aflatoksinës: AUV-i bllokon importin e misrit nga Gjilani

Agjencia e Ushqimit dhe Veterinarisë (AUV) ka ndërmarrë masa të menjëhershme duke ndaluar hyrjen dhe tregtimin e një sasie misri, pasi gjatë kontrolleve kufitare dhe inspektimeve në tregun e brendshëm është konstatuar prani e aflatoksinës mbi normat e lejuara me ligj. Produktet e kontaminuara i përkasin kompanisë “MONUNI SH.P.K.” me seli në Gjilan. Përballë këtij rreziku për shëndetin e konsumatorëve, autoritetet kompetente kanë refuzuar zyrtarisht importin e këtij malli dhe kanë ndaluar rreptësisht shitjen e tij në treg.