Superliga e Kosovës: Malisheva synon kreun kundër Feronikelit 74, zbulohen formacionet zyrtare

Java e 11-të e Superligës së Kosovës në futboll vë kapakun këtë të diel me dy takimet e fundit, ndër to edhe konfrontimin tejet interesant ndërmjet Malishevës dhe Feronikelit 74. Kjo sfidë do të luhet në stadiumin “Liman Gegaj”, me fillim prej orës 13:00, teksa tashmë dihen edhe 11-shet startuese të dy kampeve për këtë përballje. Skuadra e Malishevës zbret në fushë si kryesuese e tabelës me 26 pikë në konton e saj, ndërsa ekipi i Feronikelit 74 pozicionohet në vendin e shtatë me 11 pikë të grumbulluara. Vlen të theksohet se në ndeshjen e parë të këtij edicioni, të zhvilluar në stadiumin “Rexhep Rexhepi”, malishevasit kishin regjistruar një fitore të pastër dhe bindëse me shifrat 3-0. Strategët e dy skuadrave, Kastriot Rexha dhe Elon Berisha, kanë vendosur përfundimisht për lojtarët që do ta nisin ndeshjen nga minuta e parë. Malisheva: Kanuric, Pira, Skovgaard, Kryeziu, Bajraktari, Ndjigi, Luma, Xhylani, Isgandarli, Haxhiu, Ibishi. Feronikeli 74: Kolaj, Selmani, Halili, Soares, Musa, Luetic, Taipi, Yannick, Prapashtica, Cerrvadiku, Baholli.