Kushtet e motit: Qarkullimi rrugor zhvillohet në rrugë të lagështa, thirrje për vigjilencë në timon

Komunikacioni rrugor në të gjitha akset shtetërore po vijon normalisht, ndonëse drejtuesit e automjeteve duhet të bëjnë kujdes për shkak të pranisë së lagështirës në asfalt. Sa i përket fluksit, ai paraqitet mesatar në rrugët jashtë qendrave urbane, ndërkohë që në pikat e kalimit kufitar nga ana e vendit tonë nuk regjistrohen pritje apo vonesa të gjata për hyrjet dhe daljet. Lidhja Auto-Moto e Maqedonisë (LAMM) u bën thirrje shoferëve që të përshtatin shpejtësinë e lëvizjes, të respektojnë rreptësisht sinjalistikën rrugore dhe të tregojnë kujdes të shtuar gjatë drejtimit të automjetit, sidomos në zonat malore,për shkak të rrezikut të shembjeve të gurëve dhe dheut. Kjo masë paraprake vlen në veçanti për segmentet rrugore Katllanovë - Veles, Mavrovë - Dibër - Strugë, Vinicë - Berovë, si dhe Koçan - Dellçevë.