Debate dhe tensione në Komisionin e Ligjeve: Manja ndërpret mbledhjen pas përplasjeve me deputetët e opozitës

Mbledhja e sotme e Komisionit Parlamentar të Ligjeve ka nisur në një atmosferë të tensionuar, e shoqëruar me debate dhe tone të larta mes drejtuesit të saj dhe ligjvënësve të opozitës. Në fjalën e tij hapëse, kryetari i komisionit, Ulsi Manja, pati një sërë shkëmbimesh me ironi dhe batuta me deputetin e Partisë Demokratike, Saimir Korreshi. Megjithatë, situata uashqye më tej kur Manja i bëri një vërejtje zyrtare deputetit Tedi Blushi lidhur me fjalorin e përdorur gjatë diskutimeve. Tensionet kulmuan gjatë përplasjes verbale me deputetin Xhelal Mziu, të cilit drejtuesi i komisionit ia preu fjalën, duke i kujtuar se i kishte skaduar koha e paracaktuar për të folur. “A do më lini ta drejtoj këtë Komision?”, u shpreh Manja gjatë debateve, duke kërkuar më pas një pauzë dy-minutëshe për të qetësuar situatën, përpara se palët të riktheheshin sërish në sallë për të vijuar punimet.