Tragjedi në Has: Rrokullisja e një mjeti sportiv i merr jetën 46-vjeçarit nga Kosova, plagoset i vëllai

Një ngjarje e rëndë ka tronditur zonën e Hasit, ku një automjet sportiv është përmbysur aksidentalisht, duke i kushtuar jetën një shtetasi nga Kosova dhe duke lënë të plagosur vëllain e tij. Sipas informacioneve paraprake nga terreni, aksidenti fatal ka ndodhur në zonën e njohur si livadhet e fshatit Domaj, që i përket njësisë administrative Gjinaj në Has. Për shkaqe ende të paqartë, mjeti sportiv është përmbysur, duke shkaktuar pasoja fatale. Për pasojë, drejtuesi i mjetit, 46-vjeçari me iniciale A. Q., banor nga Kosova, ka ndërruar jetë në vend. Ndërkohë, vëllai i tij, shtetasi V. Q., 38 vjeç, i cili ndodhej po ashtu në mjet, ka pësuar lëndime dhe është transportuar menjëherë drejt spitalit të Kukësit, ku po merr trajtimin e nevojshëm mjekësor. Autoritetet kompetente dhe grupi hetimor kanë mbërritur në vendngjarje dhe po punojnë intensivisht për të zbardhur plotësisht shkaqet dhe rrethanat në të cilat ndodhi ky aksident tragjik.