Hamza kërkon veprim të shpejtë nga Qeveria për Gjykatën Speciale, hap rrugën për çështjen e Presidentit

Kryetari i Partisë Demokratike të Kosovës (PDK), Bedri Hamza, ka bërë të ditur se ekzekutivi duhet t'i japë fund shqyrtimeve brenda pak ditësh, duke e kaluar projektligjin për ndryshimin e ligjit mbi Gjykatën Speciale drejt Kuvendit. Sipas kreut të opozitës, instancat qeveritare janë aktualisht duke analizuar opinionet ligjore që i takojnë kësaj nisme legjislative. "Ne jemi të gatshëm të presim edhe pak kohë që brenda qeverisë ta kryejnë pjesën e vet që ka të bëjë me opinione ligjore dhe çështje të tjera, dhe presim që i njëjti shpejt, në një seancë të jashtëzakonshme të trajtohet në dy leximet në të njëjtën ditë", u shpreh ai. Lidhur me procesin e zgjedhjes së kreut të shtetit, Hamza theksoi se pasi të finalizohet miratimi i ligjit në fjalë, formacioni i tij politik do të jetë plotësisht i hapur për diskutime rreth emërimit të Presidentit të ri. I pyetur nëse subjekti që drejton do të mbështeste një kandidaturë të propozuar nga Lëvizja Vetëvendosje (LVV), ai shtoi: "Nuk kemi fol nga kush, por për mundësinë që ta kemi Presidentin".