Tragjedia në Pejë: Albin Kurti shmang pyetjen për dorëheqjen e dy ministrave

Kryeministri i Kosovës, Albin Kurti, ka refuzuar të përgjigjet kur është pyetur mbi mungesën e përgjegjësisë morale dhe dorëheqjeve të dy anëtarëve të kabinetit qeveritar pas ngjarjes së rëndë të vrasjes së Arlinda Zekajt në qytetin e Pejës. I pyetur nga gazetarët mbi këtë çështje, kreu i ekzekutivit u mjaftua me një deklaratë të shkurtër, duke orientuar vëmendjen te ngjarja e partisë që drejton: “Sot kemi mbledhjen e Këshillit të Përgjithshëm të Lëvizjes Vetëvendosje dhe kemi mjaftueshëm për të folur”. Shefi i qeverisë nuk ka ofruar një qëndrim të prerë lidhur me kërkesat për llogaridhënie politike, ndërkohë që opinion publik dhe protestuesit e revoltuar kanë kërkuar publikisht largimin nga detyra të ministres së Drejtësisë, Donika Gërvalla, si dhe të ministrit të Punëve të Brendshme, Xhelal Sveçla.