Zonja e Vjetër synon yllin e Manchester Cityt për merkaton e janarit

Klubi i Juventusit ka piketuar përforcimin e krahut të majtë të mbrojtjes për afatin kalimtar dimëror, duke e kthyer Rayan Ait-Nourin e Manchester Cityt në shënjestrën e tyre kryesore. Sipas burimeve pranë klubit torinez, drejtuesit po analizojnë mundësinë e një marrëveshjeje huazimi për 25-vjeçarin, e cila do të përfshinte gjithashtu një opsion blerjeje me të drejtë definitive në përfundim të edicionit aktual. Përveç pistës kryesore për mbrojtësin e krahut, bardhezinjtë po mbajnë nën vëzhgim edhe profilin e Mahamadou Nagidan, i cili luan për skuadrën e Rennes, duke e parë atë si një alternativë të vlefshme për të shtuar opsionet në repartin e prapavijës. Në anën tjetër, gjiganti italian po vijon intensivisht bisedimet për mesfushorin e Marseille, Pierre-Emile Højbjerg. Palët pritet t'i japin një hov të ri tratativave gjatë muajit nëntor, me qëllim që marrëveshja për futbollistin danez të jetë e paraprirë dhe e avancuar përpara se të hapet zyrtarisht merkatoja e janarit.