Lojërat Mesdhetare 2030 shtrihen përtej kryeqytetit, Kurti zbulon komunat pritëse

Komiteti Organizativ i Lojërave Mesdhetare "Prishtina 2030" ka zhvilluar të premten mbledhjen e radhës, ku në fokus kanë qenë hapat e mëtutjeshëm në përgatitjen e këtij eventi të rëndësishëm sportiv. Lidhur me këtë ngjarje, kryeministri Albin Kurti ka bërë të ditur se ky organizim madhështor nuk do të kufizohet vetëm në kryeqytet, por do të përfshijë edhe rajone të tjera të vendit, duke shtrirë aktivitetet në Pejë, Gjakovë, Prizren, Drenas, Skënderaj dhe komuna të tjera partnere.