Kriza ekonomike alarmon Evropën: Gjermania dhe Franca përgatiten për valë të reja protestash

Vala e pakënaqësive qytetare për shkak të rritjes së kostos së jetesës rrezikon të përfshijë Gjermaninë, ndërkohë që Franca pritet të përballet sërish me tubime masive gjatë ditës së shtunë. Autoritetet policore në këto vende kanë ngritur shkallën e gatishmërisë për të shmangur çdo incident të mundshëm, ndërsa nga ana e tyre, iniciatorët e protestave kanë theksuar se tubimet do të kenë karakter paqësor. Këto zhvillime vijnë pas një periudhe trazirash dhe manifestimesh të shpeshta që tashmë kanë tronditur skenën politike dhe sociale në disa shtete të tjera evropiane, duke përfshirë Shqipërinë, Italinë dhe Spanjën, ku qytetarët kanë ngritur zërin kundër vështirësive ekonomike.