“Pa drejtësi s’ka paqe”: Vijojnë protestat në Prishtinë për tragjedinë e Arlinda Zekajt

Për të katërtën ditë me radhë, sheshet e kryeqytetit janë bërë sërish arena të protestave qytetare, pas vrasjes tragjike të Arlinda Zekajt, ngjarje kjo e shënuar të dielën në fshatin Vitomiricë të Pejës. Të mbledhur para institucioneve shtetërore, protestuesit kanë ngritur zërin fuqishëm duke kërkuar llogaridhënie institucionale. Ata kanë kërkuar dorëheqjen e menjëhershme të zyrtarëve më të lartë, përfshirë ministrat dhe krerët e dikastereve të drejtësisë, si dhe shkarkime urgjente brenda sistemit gjyqësor.