Rrëfimi i Enzo Fernández: Pengu i madh në finale, dëshira për t'u kthyer te River Plate dhe zgjedhjet për Topin e Artë

Mesfushori i njohur argjentinas, Enzo Fernández, ka hapur zemrën në një intervistë të dhënë për vëllezërit Edul, duke ndarë detaje nga prapaskenat e karrierës dhe marrëdhënia e tij me yllin Lionel Messi. Duke folur për mundësinë e largimit të Messi-t nga kombëtarija, ai u shpreh se gjithmonë e kishte ëndërruar të ndante fushën me të. Siç tregoi mesfushori, që në fëmijëri bënte llogaritë nëse do të arrinte të luante në të njëjtën kohë me shtatë herë fituesin e Topit të Artë, ndërsa theksoi se pas triumfeve të përbashkëta e kishte pushtuar një ndjenjë e thellë trishtimi, duke shtuar se legjenda argëtina gjithmonë u linte diçka të veçantë bashkëlojtarëve. Lidhur me finalen e humbur të Kampionatit Botëror kundër Spanjës, Fernández pranoi superioritetin e kundërshtarëve. Sipas tij, iberikët arritën të dominonin lojën duke zotëruar topin dhe fituan me meritë, ndërsa zbuloi se gjysma e ekipit argjentinas po vuante nga probleme fizike. Ai u ndal edhe te kartoni i kuq i marrë gjatë asaj sfide, duke e cilësuar si një peng të madh që e shoqëron, pasi askush nuk dëshiron të ndëshkohet me përjashtim, e aq më pak në ndeshjen vendimtare të një Botërori. Gjatë bisedës, mesfushori zbuloi edhe disa kuriozitete nga prapaskenat, duke treguar se sulmuesi Erling Haaland i kërkon rregullisht çaj tradicional "mate" para ndeshjeve. Ndërkohë, sa i përket të ardhmes në nivel klubesh, ai dha një premtim të qartë për tifozët e River Plate, duke pohuar se një ditë do të rikthehet me patjetër për të fituar trofe dhe për ta shijuar sërish atë ambient. Në fund, Fernández ndau edhe zgjedhjet e tij për çmimet individuale dhe më të mirët e fushës. Ai votojë për Harry Kane si fitues të mundshëm të "Topit të Artë", ndërsa në podium renditi Kylian Mbappé dhe Lamine Yamal. Mbrojtësin Cristian Romero e vlerësoi si më të mirin në prapavijë, David Raya-n e përzgjodhi si portierin më të fortë, kurse Julián Álvarez-in e cilësoi si shokun më të mirë të skuadrës, duke lënë mënjanë Lionel Messi-n.