Superliga e Kosovës: Ballkani dhe Drenica zbulojnë përbërjet zyrtare për sfidën e radhës

Janë bërë publike përbërjet zyrtare për sfidën hapëse të javës së 12-të në Albi Mall Superligën e Kosovës, ku do të përballen skuadra e Ballkanit dhe ajo e Drenicës. Kjo ndeshje do të zhvillohet në stadiumin e qytetit në Therandë, me fillim nga ora 13:00, ndërsa vendasit e Ballkanit paraqiten si nikoqirë në këtë ballafaqim. Ekipi i drejtuar nga Sami Sermaxhaj kërkon vazhdimësinë e rezultateve pozitive pas triumfit në sfidën e kaluar ndaj Vushtrrisë, me synimin e qartë për të përmirësuar pozitat e tyre në renditjen tabelare. Në krahun tjetër, skuadra e Drenicës synon kthesën e madhe, pasi vjen pas një serie prej katër takimesh pa fitore në kampionat, tashmë edhe nën drejtimin e trajnerit të ri, Gentjan Mezani. Për këtë duel të rëndësishëm, dy shtabet teknike kanë hedhur në fushë lojtarët më të mirë në dispozicion për të synuar pikët e plota. Ballkani: Selmani; Vokrri, Jashanica, Batarelo, Dosso; Sabanadzovic, Domgjoni, Diene; Giovanni, Berisha, Klinaku; Drenica: Ymeri; E.Veliqi, Lushtaku, A.Veliqi, Musaj; Dervishaj, Gavazaj, Vojvoda, Hamiti, Zeka; Mehmeti;