Dy gjigantët e La Ligas vihen pas yllit të Tottenhamit, Barcelona dhe Real Madridi përballen për mbrojtësin spanjoll

Klubi i Barcelonës ka shfaqur interesim serioz për mbrojtësin e djathtë të Tottenhamit, Pedro Porro, të cilin presidenti Joan Laporta e sheh si opsionin ideal për të mbuluar këtë repart. Megjithatë, garës për shërbimet e 27-vjeçarit i është bashkuar edhe Real Madridi, pasi Florentino Perez e ka vendosur atë në listën e transferimeve për verën e vitit 2027. Reprezentuesi spanjoll ka firmosur në qershor të vitit 2026 vazhdimin e kontratës së tij deri në vitin 2031, me mundësi vazhdimi edhe për një vit tjetër. Kjo marrëveshje afatgjate i jep klubit anglez epërsi të ndjeshme në tavolinën e bisedimeve me dy skuadrave spanjolle. Krerët katalunas e kanë përcjellë gjendjen e lojtarit prej muajsh, ndërsa drejtori sportiv Deco kishte marrë informacione rreth tij që gjatë afatit kalimtar të verës së shkuar. Përveç Barçës, edhe Real Madridi po kërkon zgjidhje për këtë krah, pasi dështimet e Trent Alexander-Arnold dhe Denzel Dumfries për të bindur plotësisht nuk i kanë dhënë sigurinë e dëshiruar trajnerit Jose Mourinho, i cili është detyruar të aktivizojë Federico Valverden në atë pozicion në disa takime. Porro vlerësohet si një zgjidhje natyrale për këtë krah, sidomos pas një sezoni 2025/26 ku regjistroi 47 paraqitje zyrtare me fanellën e klubit londinez, duke u shndërruar në lojtarin më të përdorur të skuadrës. Pengesa kryesore për të dyja ekipet mbetet rezistenca e Tottenhamit, e cila pas rinovimit të 14 qershorit nuk ka ndërmend ta lëshojë lehtësisht liderin e mbrojtjes. Vlerësimet e deritanishme tregojnë se çmimi i tij sillet rreth 60 milionë euro, shifër kjo që do të kërkojë një investim të madh financiar nga Barça dhe Real Madridi. Për më tepër, trajneri i skuadrës angleze, Roberto De Zerbi, e llogarit spanjollin si shtyllë kryesore të projektit të tij sportiv, duke ndikuar direkt në vendimin për ta mbajtur atë në Londër ku ka arritur kuotën e 152 ndeshjeve që nga viti 2023. Anësori i djathtë gëzon edhe një bagazh të rëndësishëm ndërkombëtar, pasi ka qenë pjesë e kombëtares së Spanjës që triumfojë në Kupën e Botës 2016, ndërsa nuk e fsheh dëshirën e tij për t'u rikthyer në La Liga në një të ardhme. Duke folur në emisionin 'El Larguero', vetë futbollisti konfirmoi ambicjen për një kthim të mundshëm në futbollin spanjoll, pavarësisht se deri më tani nuk ka pasur ndonjë ofertë zyrtare konkrete nga klubet e vendit të tij.