“Doja të fitoja trofe”: Robert Lewandowski ‘thumbon’ rëndë tifozin e Arsenalit

Robert Lewandowski ka shkaktuar mjaft reagime dhe të qeshura gjatë një bashkëbisedimi të rastësishëm me një mbështetës të Arsenalit. Ngjarja ndodhi kur tifozi londinez e pyeti sulmuesin polak se përse nuk kishte zgjedhur kurrë që ta vazhdonte karrierën e tij në stadiumin “Emirates”. Në momentin kur tifozi i sugjeroi se ai duhej t’i ishte bashkuar radhëve të “Topçinjve”, ish-ylli i Barcelonës u përgjigj me një dozë të lartë humori dhe ironie: “Por unë dëshiroja të fitoja trofe”. I ndodhur përballë kësaj deklarate, tifozi u përpoq të mbronte ekipin e tij të zemrës, duke i kujtuar sulmuesit se Arsenali kishte arritur të fitonte një titull së fundmi. Megjithatë, Lewandowski nuk u tërhoq, duke vazhduar me batutat e tij dhe duke lënë të kuptohej qartë se, sipas tij, te Arsenali do t’i ishte dashur të priste shumë gjatë për të festuar suksese të mëdha.