Tragjedia në Vitomiricë, nesër në Pejë mbahet protesta për vrasjen e Arlinda Zekajt

Qyteti i Pejës do të bëhet sërish bashkë në një protestë paqësore për të kërkuar drejtësi për Arlinda Zekajn, e cila pak ditë më parë u vra tragjikisht në fshatin Vitomiricë të këtij qyteti. Trupa organizative ka bërë të ditur se tubimi protestues do të zhvillohet këtë të premte, më 30 tetor, duke filluar nga ora 12:00, në sheshin “Skënderbeu” në Pejë. Qëllimi kryesor i kësaj proteste është ngritja e zërit për drejtësi dhe kërkimi i llogaridhënies institucionale lidhur me rrethanat e këtij rasti të rëndë. Iniciativa për këtë protestë ka ardhur nga lëvizja “Peja Nuk Hesht”, në bashkëpunim të ngushtë me Qendrën për Informim, Kritikë dhe Aksion (QIKA), si dhe me Rrjetin e Grave të Kosovës. Nëpërmjet këtij organizimi, thirrje e hapur u drejtohet të gjithë qytetarëve që të marrin pjesë masivisht, për t'i dalë në mbrojtje thirrjes për drejtësi për Arlinda Zekajn dhe për të kërkuar përgjegjësi nga institucionet kompetente për mënyrën e trajtimit të kësaj ngjarjeje.