“A duhet të më vrasë ish-bashkëshorti?” / Zbardhen bisedat e Arlinda Zekajt me policinë para tragjedisë

Disa audio-incizime të publikuara së fundmi kanë sjellë sërish në vëmendjen e opinionit publik përpjekjet e dëshpëruara të Arlinda Zekajt për të kërkuar ndihmë nga organet e rendit, pak ditë para se ajo të privohej nga jeta. Sipas transkripteve të zbardhura nga mediat, e ndjera i ishte drejtuar zyrtarëve policorë me kërkesën këmbëngulëse për zbatimin e urdhërmbrojtjes që kishte ndaj ish-bashkëshortit të saj, Jetonit. Gjatë ballafaqimit me zyrtarin e policisë, Faruk Muçolli, Zekaj shprehte shqetësimin e saj të thellë për rendimin e gjendjes psiko-emocionale të të birit, duke kërkuar me ngulm që të respektohej aktvendimi në fuqi. Nga ana tjetër, pjesëtari i policisë dëgjohet t'i përgjigjej se nuk e kishte për detyrë apo obligim të merrej me çështjen e saj. Përgjatë këtij komunikimi, Arlinda Zekaj kishte ngritur pikëpyetjen dramatike: “A duhet të më vrasë mua Jetoni?”, një deklaratë tronditëse që paralajmëronte rrezikun serioz që i kanosej para se të ndodhte ngjarja fatale. Më poshtë është transkripti i plotë i bisedës së zhvilluar mes tyre: Arlinda Zekaj: Unë jam e interesuar, kur e pash djalin që është shkatërruar shëndeti mendor i djalit tem, s’keni vepru kurrgjë. Faruk Muçolli: Sa herë shkove në Inspektorat ti për këtë situatë? Arlinda Zekaj: Edhe miliona herë. Edhe flej aty. Faruk Muçolli: A ke paraqitë kërkesë ndaj neve? A ke paraqit? Arlinda Zekaj: Nuk di unë, jo s’di unë. Faruk Muçolli: Nuk din? Sa herë më thirr inspektorati unë i them le të paraqet ankesë me shkrrim. Të kam thënë edhe atë ditë unë s’jam i obligum me u marrë me ty se kam obligime, sa herë po vjen pe lyp Farukin, potë del Faruki. Nuk jam i obligum, bindu se nuk jam. Arlinda Zekaj: Faruk unë jam lodhë, duhet me zbatu aktvendimin, kaq shumë e thjeshtë është. Faruk Muçolli: Unë konsideroj që na jem në rregull.