Dramë në Kupën e Gjermanisë: Wolfsburgu i Elvis Rexhbeçaj eliminohet në sekondat e fundit nga Freiburgu

Mesfushori i Përfaqësueses së Kosovës, Elvis Rexhbeçaj, ka përjetuar një zhgënjim të madh me fanellën e Wolfsburgut, pasi skuadra e tij është mposhtur në minutat e fundit nga Freiburgu me rezultatin e ngushtë 3:2, duke u eliminuar kështu nga gara e Kupës. Autor i këtij triumfi spektakolar u bë futbollisti Keisuke Goto, i cili me dy gola të shënuar në fraksionin e fundit të takimit përmbysi gjithçka, duke i siguruar Freiburgut kualifikimin për në fazën e një të tetës së finales. Në këtë duel, Rexhbeçaj ishte titullar, por u thirr në stol nga trajneri për t'u zëvendësuar në minutën e 80-të të ndeshjes, duke e ndjekur epilogun dramatik nga jashtë fushës. Për vendasit e Freiburgut, golat u realizuan nga Matanoviq në minutën e 6-të dhe Keisuke Goto, i cili u tund rrjetën dy herë në minutën e 75-të dhe në atë shtesë (90+2’). Ndërkaq, për ekipin mysafir realizues u tregua Shiogai, i cili shënoi dy herë gjatë pjesës së parë (në minutën e 8-të dhe të 43-të).