Odegaard bën thirrje për kthesë urgjente pas dështimit historik të Arsenalit

Kapiteni i Arsenalit, Martin Odegaard, u ka bërë thirrje bashkëlojtarëve të tij që të kthehen menjëherë te rezultatet pozitive, pas eliminimit tronditës nga Fleetwood, skuadër që luan në rangun e katërt të futbollit anglez. ‘Topçinjtë’ janë larguar nga Kupa e Ligës angleze, pasi u mposhtën me rezultatin 5:3 nga pika e bardhë e penalltive kundër Fleetwood. Kjo sfidë e vlefshme për rundin e katërt, e cila u zhvillua në stadiumin e ekipi pritës, u mbyll me barazimin 1:1 pas 90 minutave lojë. Vendasit arritën të kalonin në avantazh gjatë fraksionit të parë përmes një goli të shënuar nga Aaron Loupalo-Bi. Përkundër barazimit që Arsenal e sigurori në pjesën e dytë me anë të Viktor Gyokeres, skuadra nuk pati forcë të gjente golin e triumfit. Gjatë ekzekutimit të penalltive, Bruno Guimaraes nuk tregoj saktësi, pasi goditja e tij u ndal nga portieri Jay Lynch. Ndërkohë, penalltia vendimtare për kualifikimin e Fleetwood u realizua me sukses nga mbrojtësi i ri Conor Haughey. Nga ana e tij, trajneri Mikel Arteta kishte bërë nëntë ndryshime në përbërjen startuese, ndërsa Odegaard u aktivizua si zëvendësues në pjesën e dytë. Pavarësisht ngritjes së ritmit të lojës, londinezët nuk mundën t'i shpëtonin eliminimit, madje e mbyllën takimin me një lojtar më pak në fushë pas ndëshkimit me karton të kuq të talentit Max Dowman. “Është shumë zhgënjyese të eliminohesh. Mënyra se si kemi luajtur nuk ka qenë në nivelin e duhur. Duhet të bëjmë shumë më mirë”, u shpreh Odegaard pas ndeshjes. Mesfushori norvegjez pranoi meritat e kundërshtarit, por insistoi se fokusi kryesor i Arsenalit duhet të jetë te puna e brendshme dhe ngritja e formës. “Nuk mund të na vijë keq për veten. Duhet të ecim përpara, sepse në fundjavë na pret një ndeshje e madhe. E vetmja gjë që mund të bëjmë tani është të reagojmë”, shtoi ai. Kujtojmë se Arsenal, i cili edicionin e kaluar ishte finalist i këtij kompeticioni, tashmë duhet të kthejë plotësisht vëmendjen te derbi i vështirë kampional kundër Liverpoolit, duel ky që do të luhet të dielën.