Nga Italia në Pranimin e Kuqezinjve: E vërteta pas pasaportës shqiptare të Elia Kapriles

Pajisja e portierit Elia Kaprile me pasaportë shqiptare vazhdon të ngjallë kureshtje dhe debate të shumta në mediat italiane, ku shumë tifozë dhe analistë janë habitur nga fakti se një lojtar i Kaljarit mund të heqë dorë nga mundësia për të përfaqësuar 'Axurrët' për t'iu bashkuar ngjyrave kuqezi. Gazetari i mirënjohur italian, Andrea Lozapio, i ka kushtuar një analizë të veçantë kësaj çështjeje, duke bërë me dije se gardiani i portës është vërtet i joshur nga perspektiva për të mbrojtur portën e Shqipërisë, pavarësisht se ende nuk ka marrë një vendim përfundimtar dhe i duhet t'i japë shpejt një përgjigje trajnerit Rolando Maran. “Një nga portierët më premtues italianë të momentit rrezikon të mos debutojë kurrë me kombëtaren tonë. Edhe pse u ftua nga Spalletti pak kohë më parë pa mundur të regjistrojë ndonjë paraqitje, Kaprile mbetet i lirë të zgjedhë një përfaqësuese tjetër. Ditët e fundit ai ka siguruar shtetësinë shqiptare falë bashkëshortes së tij, çka hap rrugën për një thirrje të mundshme nga Rolando Maran”, shkruan ndër të tjera gazetari italian. Lozapio shton gjithashtu se në repartin e portës, Italia nuk do të ketë kurrë mangësi, pasi përveç Xhanluixhi Donarumës që pritet të jetë titullar edhe për një dekadë, në qarkullim janë emra si Karneseki e Vikario, të cilët ofrojnë siguri absolute në nivelet më të larta të futbollit evropian. Për rrjedhojë, shanset që Kaprile të gjejë hapësira te Italia janë minimale, ndërsa te Shqipëria rruga drejt formacionit është shumë më e arritshme. Aktualisht, kuqezinjtë kanë në dispozicion opsione si Dajsinani, Etrit Berisha dhe Alen Sherri, ku ky i fundit ndan gjithashtu fanellën e klubit te Kaljari me Kaprilen. Sipas gazetarit, këto janë javë vendimtare dhe reflektimi për portierin, i cili po peshon me kujdes mundësinë e përfaqësimit të Shqipërisë, një ide që duket se e tundon fuqishëm pavarësisht mungesës së një vendimi zyrtar. Në përfundim, Lozapio nëvizon se Kaprile mund ta komunikojë zgjedhjen e tij madje edhe para ndalesës së ardhshme të kalendarit ndërkombëtar, me trajnerin Maran që po pret me padurim një përgjigje përfundimtare në një të ardhme shumë të afërt.